A Concellería de Igualdade de Vigo arranca Enlaza Vigo 2018 baixo o lema “ MicroMachismos “, e por tanto, o proceso de inscripción de centros educativos para participar nas actividades previstas (ver dosier).

Foron contactados un total de 43 centros para participar na proposta de abordar nas aulas os contidos relativos á campaña deste ano. O resultado deste traballo plasmarase en pancartas alusivas ao lema, que se presentarán na Exposición que terá lugar entre o 19 e o 28 de novembro no paseo peonil do Calvario.

Ao finalizar o proceso de incrición coñeceranse tamén o número de centros que asistirán ao clásico Acto de rúa previsto para o venres 23 de novembro na Praza do Rei e no que se darán a conocer os resultados finais do traballado durante este mes de intensa actividade e se trasladarán mensaxes a toda a sociedade en contra da violencia de xénero.